18.04.2018 - (18046) Herbert Timm geiht von Bord

0-plattnet-logo.gif                                      PLATTNET-Nachricht – 18.04.2018

 

                HerbertTimm-pn.jpg                landkreis harburg.png        

 

Herbert Timm geiht von Bord –

liekers blifft he för Plattdüütsch in Gang

 

(pn) Na över 17 Johren is Sluss: Herbert Timm, de Plattdüütschbeopdragte vun den Landkreis Harborg, hölt op. „Nu mööt Jüngere ran“, seggt de ehemalige Schoolleiter, de in Wulfsen to Huus is. Man wat hett he nich allens in Gang bröcht un in Gang holen! He hett en groot Nettwark för Plattdüütsch in’n Landkreis opbuut un hett dat mit Akteure in ganz Norddüütschland tosamenbröcht.

Nu söcht de Kreis tohopen mit dat Freilichtmuseum Kiekebarg en Fru oder en Mann, de dat Wark wiederföhren mag. Keen sik üm dat Ehrenamt bewarben will, de schall sik mit Carina Meyer vun’t Museum in Verbindung setten. (www.kiekeberg-museum.de)

Man dat heet nich, dat Herbert Timm nu nix mehr mit Platt to doon hebben will. In’n Gegendeel – letzt Johr erst hett he en Bookklassiker in‘t Plattdüütsche överdragen: „De ole Mann un de See“ vun Ernest Hemingway. Un dormit geiht he ok op Lesetour. An’n 24. April 2018 Klock halvig acht is he in’t Café/Restaurant „Alter Uhu“ in Reppenstedt, www.alter-uhu-reppenstedt.de: „De ole Mann un de See - Hemingway op Platt“. 

 

Besöök ok http://www.facebook.com/PLATTNET.de un wies uns, dat di PLATTNET.de behagen deit! 

_____________________________________________________________________________________________________________________________

 

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de bei Facebook: http://www.facebook.com/PLATTNET.de

PLATTNET.de Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe der Adressaten-Daten, vornehmlich für gewerbliche Zwecke, ist ausgeschlossen.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de