PLATTNET-Nachricht – 09.06.2018

PLATTNET-Bökertipp

Vertell doch mal!

Wat för‘n Dag

26 plattdeutsche Geschichten

(pn) De grote Gala in’t Ohnsorg-Theoter is vörbi. De söss Schrieverslüüd, de de besten Geschichten för den Vertell-doch-mal-Wettstriet inschickt harrn, sünd uttekent un fiert worrn. Ehre Texte sünd nochmal in’t Radio to hören, vörleest vun Theoter-Profis.

Aver wunnen hebbt nich bloots de söss in de erste Reeg. Dat Book to düssen Wettstriet hett 26 Texten versammelt, de all een Thema hebbt: Wat för’n Dag! Un dor gifft dat noch mennig een besünner Entdecken to maken. Dor is de Dag, an den en verdwarste Kupplung twee Minschen tohopen bringen deit, de trurige, de as 9/11 in de Geschicht ingahn is, un dor is de, an den en junge Mann sien Glück finnen deit, wieldat he in’n Tog inslapen is. Dor ward vertellt vun den Jungen, de miteens vun de utwussen Lüüd ernstnahmen ward, dor hört wi vun en Fru, de na en Fohrradunfall in’t Krankenhuus opwaken deit, un dor sünd wi mit en Keerl ünnerwegens, de sik op en Fortbillen-Seminar in en smucke Kollegin verkeken hett.

Oftins sünd dat ernsthafte Geschichten, de de Schrieverslüüd sik hebbt infallen laten, mehrstendeels goot vertellt. Man dor sünd ok höögliche dorbi, so as de vun den Dag, as de Herrgott Norddüütschland besöken dä, wat em heel verwunnert hett.

So as dat de Regeln för den Wettstriet vörgeven harrn, sünd dat allens Texte, de nich allto lang sünd. Un so lett sik dat lütte Book allerbest inpacken un mitnehmen op de nächste Urlaubsreis – oder een maakt sik dat dormit to Huus kommodig ünnern Appelboom in Goorn  – Wat för’n Dag!

Vertell doch mal!

Wat för‘n Dag

26 plattdeutsche Geschichten

Hrsg. Vom Norddeutschen Rundfunk

Landesfunkhaus Schleswig-Holstein

Mit freundlicher Unterstützung von Radio Bremen,

dem Ohnsorg-Theater und der PNE Wind AG

Husum Verlag 2018

124 Seiten, gebunden

ISBN 978-3-89876-924-2

12,95 Euro

Besöök ok http://www.facebook.com/PLATTNET.de un wies uns, dat di PLATTNET.de behagen deit! 

_____________________________________________________________________________________________________________________________

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   ist ein privates nichtkommerzielles Projekt.

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de bei Facebook: http://www.facebook.com/PLATTNET.de

PLATTNET.de Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe von Adressaten-Daten findet nicht statt. Gespeichert ist lediglich die für den Versand notwendige E-Mailadresse.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de Daraufhin wird die Adresse unverzüglich aus dem Verteiler entfernt.