24.09.2018 - (18105) "Allens kloor in Bämsen"

0-plattnet-logo.gif                                         PLATTNET-Nachricht – 24.09.2018

 

bevensen_tagung_logo.jpg

 

„Allens kloor in Bämsen“

Vereen Bevensen-Dagfahrt mit niegen Vörstand

 

70 Johr Bämsen ­– De 71. Dagfahrt hett wedder en Barg Lüüd in de Heidestadt Bad Bevensen lockt, dat weern vele Maten vun den Vereen; man ok Ferien- un Kurgäst kemen to de Veranstalten, de anbaden weern: Lederavend mit Anke Gohsmann un Wolfgang Kniep, Theoteravend mit de Nedderdüütsche Bühn Ahrensborg („Fröhstück bi Kellermanns“) un de Lesungen „op de Kist“, bi de dütmal 19 Lüüd mitmaakt un ehre egen Texten vördragen hebbt. Dorto allerhand gode Vördrääg, nich bloots över plattdüütsche Literatur. Is eben nich bloots en Drepen vun Dichterslüüd as in de Anfangstiet vun de Dagfahrt. Söbentig Johr – Tiet för en utföhrlich Trüchbesinnen op all de Johren, wat Ingrid Straumer denn ok maakt  hett, un Dank to seggen an de Stadt Bad Bevensen, de Vereen un Dagfohrt jümmers grote Stütt geven hett. Un denn to’n Afsluss: Priesutgeven an Klaas-Hinrich Ehlers, de den Johannes-Sass-Pries för siene wetenschoplichen Studien över de Bedüden vun Migration op de plattdüütsche Spraak na den letzten Weltkrieg kregen hett.

För den Vereen geev dat mit de Wahlen mennig en Wessel in’n Vörstand: Dank un Afscheed för Ingrid Straumer as Vörsittersche un för Udo Fricke as Schatzmeister – Applaus för de niege Vörsittersche Marianne Ehlers, den niegen tweten Vörsitter Niels Tümmler un den niegen Schatzmeister Andreas Berlich. Allens nipp un nau natolesen in dat Berichtsheft vun de 71. Dagfahrt, dat in’t Fröhjohr 2019 an all de verschickt ward, de dorbi wesen sünd.

(Volker Holm – PLATTNET.de) – (https://bevensen-tagung.de)

 

Besöök ok http://www.facebook.com/PLATTNET.de un wies uns, dat di PLATTNET.de behagen deit! 

_____________________________________________________________________________________________________________________________

 

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   ist ein privates nichtkommerzielles Projekt.

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de bei Facebook: http://www.facebook.com/PLATTNET.de

PLATTNET.de Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe von Adressaten-Daten findet nicht statt. Gespeichert ist lediglich die für den Versand notwendige E-Mailadresse.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de Daraufhin wird die Adresse unverzüglich aus dem Verteiler entfernt.