21.10.2018 - (18115) Överall in'n Norden: "Ritter Trenk op Platt"

0-plattnet-logo.gif                                                    PLATTNET-Nachricht – 21.10.2018

 

 

RitterTrenk.jpg      

 

Överall in’n Norden: „Ritter Trenk op Platt“

en Kinnerfilm för de hele Familie

 

(PN) Överall in ganz Norddüütschland is de plattdüütsche Filmversion „Ritter Trenk“ anlopen. Mit veel Opwand hebbt de Initiatoren den wunnerboren Animationsfilm üm den lütten Jung Trenk op Plattdüütsch synchroniseern laten. Un dat Ergebnis is allerbest worrn: In de Geschicht vun den taffen lütten Keerl, de in’t Middelöller liefegen opwussen is un gau to’n heldenhaften Ritter ward, is allens dor, wat de Geföhle vun de Kinner as Tokieker anröhren deit: Bangnis un Freid, Fründschaft un Moot, Mitgeföhl un Hölp. Dat Plattdüütsch, wat dor snackt ward, is ok för Lüüd, de meent, keen Platt to können, licht to verstahn. Kirsten Boie, de dat Kinnerbook „Ritter Trenk“ al vör lange Tiet schreven harr, sä bi de Premiere in Hamborg, dat ehr de plattdüütsche Version vun den Film ganz besünners goot gefullen hett. Bi de Veranstalten in’t Abaton-Kino weern ok de velen Jungs un Deerns, de as plattdüütsche Synchronstimmen vun de Kinnerrullen mitmaakt harrn. Se vertellten op de Bühn un in en sülvstdreihtet Making-of-Video, dat se bannig veel Spaaß an de Arbeit hatt harrn. Un ok de Groten, de de plattdüütschen Stimmen afgeven harrn, weern vull Begeisterung dorbi: Axel Prahl, Gerd Spiekermann, Jan Graf, Hartmut Cyriaks, Peter Nissen un vele annere Promis. Jan Graf sä Dank an de Iniatoren vun den Vereen „Platt und Friesisch in der Schule e.V.“, de sik bi all de Hürden nich harrn beirren laten un dat Projekt realiseern kunnen – mit de Hölp vun vele Kooperationspartners un Sponsoren.

In vele Kinos is de Film „Ritter Trenk op Platt“ nu antokieken. En List gifft dat hier: www.ritter-trenk-op-platt.de . Dor is ok allens Wichtige över den Film un dat Projekt natolesen.

(www.plattnet.de)

 

Besöök ok http://www.facebook.com/PLATTNET.de un wies uns, dat di PLATTNET.de behagen deit! 

_____________________________________________________________________________________________________________________________

 

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   ist ein privates nichtkommerzielles Projekt.

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de bei Facebook: http://www.facebook.com/PLATTNET.de

PLATTNET.de Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe von Adressaten-Daten findet nicht statt. Gespeichert ist lediglich die für den Versand notwendige E-Mailadresse.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de Daraufhin wird die Adresse unverzüglich aus dem Verteiler entfernt.