PLATTNET-Nachricht – 24.12.2018

De Wintervagel   De Wintervagel fleit sien Leed, vertövert, week, vull Smacht. De Welt slöppt in ehr Wattekleed un deper Freeden maakt sik breet, denn Wiehnacht kümmt ganz sacht.   Ik stöör em nich, bliev wo ik bün un höör em liesen to. Sien Leed klingt dörch de Schummerstünn un gifft vun Wiehnacht uns sien Künn, vun Leev, vun Glück un Roh.   Heidrun Schlieker

Frohe Wiehnachtsdaag wünsch ik Se un Jo.

Gern mit leve Lüüd, mit Tiet to’n Klönen, to’n Freien, to’n Utrohen, to’n Besinnen –

so, as jedeen dat gern hebben mag.

Laat Jo dat gootgahn!

Volker Holm

PLATTNET.de