PLATTNET-Nachricht – 12.11.2019
Vör 200 Johr: Daniel Sanders
Cord Denker sien Erinnern an den Lexikographen ut Meckelborg
Dat wimmelt jo bloots so vun tweehunnert Johrs Gebuurtsdags-Jubiläen dütt Johr, vun Lüüd, de ok een Bedüden för Platt harrn. Klaus Groth hebbt se ganz dull rutstreken (*24.4.1819). He weer de noorddüütsche Dichtersmann un hett de plattdüütsche Spraak to een achtbor Literatur-Spraak maakt. Man ward geern ok an Theodor Fontane (*30.12.1819) denken, de ümmer wedder ok plattdüütsch Reed in siene Romanen instreit hett un op düsse Aart plattdüütsch Leven betüügt hett. Un ik kann di nu dorto hölpen, dat du jüüst op düssen Dag so een Jubiläum mitfie’rn kannst. Ik denk dorbi an Daniel Sanders, de hüüt op düssen Dag vör 200 Johrn to Welt kamen is (*12.11.1819). He weer de Söhn vun den jüüdschen Koopmann Hendel Sanders ut Strelitz.
Daniel Sanders, nie nich höört den Naamn! Wer is dat denn? Jo, jüüst so güng mi dat ok bi mienen Besöök in Oold-Strelitz. Un denn stunn ik in een lütt Museum an den Schrievdisch vun den olen Sanders un kreeg Nahölps-Ünnerricht. Daniel Sanders weer to sien Tied een ganz bekannte düütsche Lexikograph, so as de Bröder Grimm dat weern. Dat sünd Lüüd, de sik mit all de velen Wöör in uns Spraak befaten doot; un nich bloots mit de hoochdüütschen, nee, Sanders sien Forschung hett ok de plattdüütsche Spraak opmerksom Beachten schenkt. Dat is de Grund, dat ik em an düssen Dag een Licht ansteken do: Daniel Sanders, een düütsche Juud, een leidenschaftliche Spraakforscher, een Patriot un Demokrat mit een Hart för Plattdüütsch, wat wohrschiens sien Moderspraak west is.
As ik mien’n ersten Artikel över em schreven heff, stunn de 9. Oktober in mien Kalenner, un dat Radio vermeldt, dat in Halle an der Saale een Bombensmieter versöcht hett, sik in een Synagogen-Gottesdeenst to sprengen. Dor in Halle harr Daniel Sanders sik promoveert.
Cord Denker – Stormarner Tageblatt (sh:z) am 12.11.2019: Plietsch un platt „Un noch een Jubiläum“
_____________________________________________________________________________________________________________________________
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de ist ein privates nichtkommerzielles Projekt.
PLATTNET.de Nachrichten-Archiv: alle Nachrichten unter http://archiv.plattnet.de/
PLATTNET.de bei Facebook: http://www.facebook.com/PLATTNET.de
PLATTNET.de Nachrichten können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de
Eine Weitergabe von Adressaten-Daten findet nicht statt. Gespeichert ist lediglich die für den Versand notwendige E-Mailadresse.
Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de Daraufhin wird die Adresse unverzüglich aus dem Verteiler entfernt.