18.11.2019 - (19128) PLATTSPOTS 2019 - 3. Plattdeutscher Trailerwettbewerb

0-plattnet-logo.gif                                         PLATTNET-Nachricht – 18.11.2019

 

plattspots.png

 

PLATTSPOTS 2019 – 3. Plattdeutscher Trailerwettbewerb

De schönsten lütten Videos över’t Plattsnacken warrn vörstellt

 

(PM) An de 22. November 2019 warrn in Flensburg, in’t Kino 51 Stufen (Düütsche Huus), um Klock veer (16:00) de nomineerten Filme ut de drütte Dörgang vun unse Trailerwettstriet PLATTSPOTS wiest un prämeert. To unse besunnere Freud hett Karin Prien, Ministerin för Billen, Wetenschop un Kultur in Sleswig-Holsteen, de Schirmherrschop för dat Projekt övernahmen. All Interesseerten sünd hartlich willkamen un inlaadt dorbi to sien! Dat kost nix un achteran gifft dat noch Gelegenheit för en Snack bi wat to drinken.

De Jury hett mang 24 Bidrääg ölven utkeken, de nu in echte Kinoatmosphär to sehn sünd. Dree Filme kriegen opto noch en Pries, de vun de Fördervereen vun dat Plattdüütsch-Zentrum un dat Instituut för Talententwicklung (IfT) stellt warrt.

Beten Achtergrund:

Na 2013 un 2016 hebben dat Zentrum för Nedderdüütsch ut Leck un de Flensburger Kortfilmdaag vunjohr to‘n 3. Mal to de Plattdüütsche Trailerwettstriet opropen. Mitmaken kunnen Filmmakers, Studerende un Schölers vun överall, „die den Norden so lieben wie wir“ stunn in de Regularien. Die Filme schölen Spaaß maken un Lust op Plattsnacken. Na de Kino-Premier bi de 19. Flensborger Kortfilmdaag warrn de Spots in’t Nett sett un könen vun dor över de sozialen Medien verdeelt warrn.

 

„Över rieklich Besökers worrn wi uns düchtig freuen!

Hartlich Gröten

Maja Petersen

Flensborger Kortfilmdaag

un

Gesa Retzlaff

Plattdüütsch-Zentrum Leck“

 

(www.plattspots.de)

_____________________________________________________________________________________________________________________________

 

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   ist ein privates nichtkommerzielles Projekt.

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de   bei Facebook: http://www.facebook.com/PLATTNET.de

PLATTNET.de   Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe von Adressaten-Daten findet nicht statt. Gespeichert ist lediglich die für den Versand notwendige E-Mailadresse.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de Daraufhin wird die Adresse unverzüglich aus dem Verteiler entfernt.