PLATTNET-Nachricht – 03.02.2020
De Plattdüütsche Raat Sleswig-Holsteen fiert Geburtsdag
20 Johr Sprekergrupp as Stimm för Sprakenpolitik
(pn) Marianne Ehlers, Heiko Gauert, Gunda Gey, Truels Hansen, Frauke Sander un Heike Thode-Scheel, dat is de aktuelle Sprekergrupp för de Plattdüütschen in Sleswig-Holsteen – de „Plattdüütsche Raat“. In’t Johr 2000 is dat Gremium gründt un bi’n Sleswig-Holsteenschen Heimatbund anbunnen worrn. De hett dat Verwalten övernahmen. Nu sünd 20 Johr vörbi un in Kiel worr Geburtsdag fiert. Dorto weern en Barg Lüüd kamen ut de „plattdüütsche Community“. Gemeensam worr trüchkeken op de velen Johren Sprakenpolitik in’t Land, mit de de Sprekergrupp befaat weer, op Beddeln un Bitten, op Schimpen un Protesteern, op Föddern un Verlangen – mal trüchhollern un fründlich, mal foorsch un füünsch. Weer mennigmal en suer Stück Arbeid, de Lüüd vun Politik un Verwalten dorvun to övertügen, wat goot weer för dat Stütten vun de Regionalspraak Plattdüütsch, so as dat ok de Europäische Sprakencharta vörsehen deit.
Veel hett de Plattdüütsche Raat beschicken kunnt, sünnerlich op dat Rebeet Bildung / Plattdüütsch in de School. Dor hett denn ok Johannes Callsen op henwiest, de Minnerheitenbeopdragde vun den Ministerpräsidenten: „Ohne den Plattdeutschen Rat wären wir in Schleswig-Holstein im Bereich des Niederdeutschen sicher nicht so gut aufgestellt.“ Gute Sprachenpolitik könne nur mit den Sprecherinnen und Sprechern gemeinsam gestaltet und vorangebracht werden, so Callsen weiter. Ein Beispiel dafür sei das Modellprojekt Niederdeutsch, in dem seit fünf Jahren Schülerinnen und Schüler ab der ersten Klasse Niederdeutsch lernen. Inzwischen sind 32 Grundschulen und neun weiterführende Schulen mit mehr als 3.000 Schülern dabei.
Ok in de annern Bundeslänner gifft dat intwüschen Plattdüütsche Rööd un för all de Gruppen en Bundesgremium, den „Bundesraat för Nedderdüütsch“. Denn mit de Sprakenpolitik geiht dat wieder. Gifft jümmers noch wat to doon: Platt för de Lütten un de Groten, Platt in de Pleeg, Platt in de Medien, Platt in de Familien usw. Un dor warrt ok in Tokunft en groot Nettwark bi hölpen.
(PLATTNET.de)
_____________________________________________________________________________________________________________________________
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de ist ein privates nichtkommerzielles Projekt.
PLATTNET.de Nachrichten-Archiv: alle Nachrichten unter http://archiv.plattnet.de/
PLATTNET.de bei Facebook: http://www.facebook.com/PLATTNET.de
PLATTNET.de Nachrichten können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de
Eine Weitergabe von Adressaten-Daten findet nicht statt. Gespeichert ist lediglich die für den Versand notwendige E-Mailadresse.
Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de Daraufhin wird die Adresse unverzüglich aus dem Verteiler entfernt.