PLATTNET-Nachricht – 12.02.2020
30 Johr „Bund Niederdeutscher Autoren" e.V.
Dei BNA för Mäkelborg-Vörpommern un dei Uckermark fieert Geburtsdach
Dei ierst, nah dei Wend in M-V gründ Plattdütschverein, dei „Bund Niederdeutscher Autoren“ e.V. för Mäkelborg-Vörpommern un dei Uckermark (BNA) ward an’n 22.02. 2020 dörtig Johr olt. Hei hett enorm väl tau bidragen, dat dat Kulturgaud Plattdütsch wiederdragen worden is. Dat wier un is nich einfach, einen Verein an't Läwen tau hollen, wenn sien Mitglieder nich an einen Urt, sonnern oewer ein ganz Region verdeilt wahnen, dor hürt orrig wat an Logistik tau, besonners, wenn so'n Verein blot von Sponsoren un dei Mitgliedsbidräg läwt.
Dei BNA Anthologie „Plattdütsch Blaumen“ is von’t Gründungsjohr an bet hüt dat Paradepierd un Uthängeschild von’n BNA. Dormit dei Bäuker ok in’t Og fall’n, hebben dei Taustännigen groten Wiert up ehr Illustrierung leggt, wodörch sei nich blot läsens- sonnern ok ankiekenswiert worden sünd.
Dei BNA-Vörstand hett sick tau dat Jubiläum wat Besonners utklamüstert: All Schriewerslüd, dei as Vereinsmitglieder för dei BNA-Anthologie, „Plattdütsch Blaumen“, Bäuker I (1991) bet XIII (2018), Riemels orer Vertellers schräwen hebben, sall’n in ein Jubiläumsschrift (Bauk XIV), dei in’n Sommer up’n Markt kümmt, noch eins tau Wurt kamen.
Dorto schrifft Wolfgang Mahnke, Ehrenvörsitter von den BNA: „Mit Stolt, Freud, oewer ok Weihmäudigkeit kieken wi up dei schöpferische, dörtigjöhrige Vereinsgeschicht trügg. Männigweck von uns’ BNA-Autoren, mit dei wi orrig ’n Wegstück tausamengahn sünd, hebben ehr Schriewtüg all för ümmer bisiet leggt. Sei kamen in’t „Jubiläumsbauk“ noch eins tau Wurt, wieldat wi dei Erinnerung an sei wak holl’n will’n.“
(Wolfgang Mahnke) – Fotos: Schibri-Verlag
En Bericht oewer 30 Johr BNA von Wolfgang Mahnke is tau läsen in dei PDF-Anlaag!
_____________________________________________________________________________________________________________________________
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de ist ein privates nichtkommerzielles Projekt.
PLATTNET.de Nachrichten-Archiv: alle Nachrichten unter http://archiv.plattnet.de/
PLATTNET.de bei Facebook: http://www.facebook.com/PLATTNET.de
PLATTNET.de Nachrichten können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de
Eine Weitergabe von Adressaten-Daten findet nicht statt. Gespeichert ist lediglich die für den Versand notwendige E-Mailadresse.
Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de Daraufhin wird die Adresse unverzüglich aus dem Verteiler entfernt.