PLATTNET-Nachricht – 05.05.2020
Günther Wagener un Silke Frakstein
Platt vun Tohuus – för Tohuus
Wegen Corona: Platt per Video
Op eenmal keen Konzert, keen Lesung mehr … De "Plattdüütsch Weken" in Stadt un Landkreis Lümborg sünd wegen de "Corona-Kries" afbraken worrn. Düsse Situatschoon hett intwischen veel Muskanten un Schrieverslüüd op de Gedanken bröcht, Leder, Geschichten un Gedichten bi "You Tube" to "posten". Dorto hört Günther Wagener, de Plattdüütschbeopdragte in Lümborg. Op düsse Oort köönt de Akteure ok in de Tiet ahn Veranstalten wiederhen de Frünnen vun de plattdüütsche Spraak ünnerhollen un Kultur op´n Weg bringen. Dat sünd Videos, de jeedeen bi sik to Huus opnahmen hett. Dorüm heet dat: "PLATT VUN TOHUUS" –
https://www.youtube.com/channel/UC0vPQpJWdOnHorP-fg27deA
Un ok in Hamborg könnt sik plattdüütsche Krinks un Vereene nich drepen. Dat gelt ok för dat „Freizeitzentrum Schnelsen“, wo Kurse un Veranstalten pauseern mööt. Plattdüütsche Geschichten, vertellt vun Silke Frakstein, sünd dor nu in feine lütte Videos antokieken: www.fz-schnelsen.de/kurse/videos.
(plattnet.de)
_____________________________________________________________________________________________________________________________
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de ist ein privates nichtkommerzielles Projekt.
PLATTNET.de Nachrichten-Archiv: alle Nachrichten unter http://archiv.plattnet.de/
PLATTNET.de bei Facebook: http://www.facebook.com/PLATTNET.de