PLATTNET-Nachricht – 20.12.2020
Wiehnachtstiet – Tiet för Leder, Speel, Singen un ´n Snack!
För all Plattfrünnen hett dat Lännerzentrum för Nedderdüütsch (LzN) düsse Wiehnachten en heel besunner Geschenk parat: plattdüütsche Leder to´n Tolustern un Mitsingen kaamt direktemang in jeedeen Huus. De Leder hebbt dorför extra en modern Kleed kregen. De Sänger vun de Musikgrupp „Godewind“, Gerrit Hoss, wiest un singt op de Internetsiet vun dat LzN ole Leder ut´n Noorden as „Dat Du mien Leefsten büst“, dat „Tüdelbandleed“, „Burlala“ un noch veel mehr. Eerst warrt dat Leed sungen, denn gifft dat Frogen dorto un to´n Enn kann dat Leed mit Musik mitsungen warrn. De Frogen warrt as Spele digital stellt. Dor warrt, liek as dat Memory-Speel, Pore söcht un dat gifft vele Quizspele. Dormit köönt Plattexperten un Plattentdecker ehr Weten testen. Allens is för Jung un Oolt.
Noch en Wiehnachtsgeschenk vun dat LzN is dat Heft „Snack op Platt“ mit vele Frogen direktemang ut dat Leven rut. To´n Bispeel: „Wat weer, wenn Fruuns- un Mannslüüd sik gegensiedig in´n Bregen kieken un Gedanken un Drööm mitverfolgen kunnen? Wörrn denn mehr oder weniger Ehen uteneen gahn? Oder: Stell di vör, du kunnst an en Klock dien Öller verstellen. Wo oolt wörrst du di instellen? Gifft dat en Levenstiet, de du anholen wörrst?“
Düt Wark „Snack op Platt“ is in en Tosamenarbeit mit dat Pure-Fruit-Magazin ut Kiel tostannen kamen. Vele verscheden Künstlers hebbt de Frogen vull Kunst un Phantasie in Biller ümsett. Dat Heft kann jeedeen kostenfree kriegen, de en DIN A5 Ümslag mit de egen Adress un Breefmark na dat Lännerzentrum für Nedderdüütsch in de Contrescarpe 32 in 28203 Bremen stüern deit. In´t Nett kann dat jeedeen op de Internetsiet www.LzN-Bremen.de ankieken. Dor kann dat as eenzelne Sieden oder ganz dallaat un utdruckt warrn.
Dat Lännerzentrum för Nedderdüütsch wünscht so op digitalen Weg frohe Wiehnachten, en goden Rutsch in dat Johr 2021 un sunnerlig dat, wat just nu an´n wichtigsten is: goden Moot un blievt all gesund!
Jo Team vun dat Lännerzentrum mit
Christianne Nölting, Jan-Bernd Müller un Andrea Robben!
Länderzentrum für Niederdeutsch gemeinnützige GmbH
Contrescarpe 32
28203 Bremen
Tel: 0421 56 34 23 25
https://www.länderzentrum-für-niederdeutsch.de/
_____________________________________________________________________________________________________________________________
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de ist ein privates nichtkommerzielles Projekt.
PLATTNET.de Nachrichten-Archiv: alle Nachrichten unter http://archiv.plattnet.de/
PLATTNET.de bei Facebook: http://www.facebook.com/PLATTNET.de
PLATTNET.de Nachrichten können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de
Eine Weitergabe von Adressaten-Daten findet nicht statt. Gespeichert ist lediglich die für den Versand notwendige E-Mailadresse.
Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de Daraufhin wird die