PLATTNET-Nachricht – 12.09.2021

PLATTNET-Bökertipp:

Wolfgang Mahnke

Blage Beern un rode Hoor

Plattdeutsche Kriminalgeschichten

Kriminalgeschichten up Platt – dei gifft dat nich so väl. Un so is dat niege Bauk van Wolfgang Mahnke wat Besünners. In siene Wöör vörweg schrifft he:

„In Corona-Lockdown-Tieden

Möten Minschen bannig lieden.

Kein Fatz Kultur mihr, nix för’n Brägen!

Lütt bäten hüll ick oewer gägen.

Künn dei Langewiel verdrieben

Mit mien’n Räkner un dat Schriewen.

Dorbi, in mien’n bescheiden Klauk,

Entstünn ein nieg Ort Mahnke-Bauk.

Mit „Blage Beern un rode Hoor“

Dacht ick mi vörrig un dit Johr

Poor Kriminalgeschichten ut.

Nu kamen dei bi „Hinstorff“ rut.

Bannig väl Freud hew ick an hadd,

Krimis to schriewen in uns’ Platt.

Hebben Sei för sowat ok ’n Sinn?

Denn stäken’s Sei Ehr Näs hier rin!

Sei warden dorbi in’t Bauk binn’n

Väl Straten- un ok Urtsnam’n finn’n,

Vun dei jedereiner weit,

Sei hürn tau’t Rostocker Rebeit.

Dit läd ick mi dorüm so trecht,

Wiel all Fritz Reuter eins hett seggt,

Dat för ein’n Mäkelborger wiss,

Rostock dei Up- un Dalsprung is!“

Un so hett he sick ditmal an söss Kriminalgeschichten ranmaakt. Se all spält in de Gegend üm Rostock to. Dei enkelten Fäll warn löst vun dei fiktive Mannschaft üm Hauptkommissar Knaak un Kommissar Rohde. Dat is flott schräwen un gaut to läsen, unnerholtsam un nich alvern. Dor ward em seker noch mehr infalln, woneem he siene Lieken ünnerbringen kann ...

Wolfgang Mahnke

Blage Beern un rode Hoor

Plattdeutsche Kriminalgeschichten

Hinstorf Verlag Rostock 2021

ISBN 9783356023794

15,00 EUR

_____________________________________________________________________________________________________________________________

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   ist ein privates nichtkommerzielles Projekt.

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de   bei Facebook: http://www.facebook.com/PLATTNET.de

PLATTNET.de   Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe von Adressaten-Daten findet nicht statt. Gespeichert ist lediglich die für den Versand notwendige E-Mailadresse.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de  Daraufhin wird die Adresse unverzüglich aus dem Verteiler entfernt.