PLATTNET-Nachricht – 03.11.2021
PLATTNET-Bökertipp
Johann Hinrich Fehrs:
„En Sommerdroom“
Buchpräsentation in Hamburg am 10. November 2021
im Lichtwarksaal der Carl-Toepfer-Stiftung
(pn) „Dat Leven is en Sommerdroom“ – Düsse Zeile is en Deel vun dat Gedicht „Harvst / Oktober“ vun Johann Hinrich Fehrs. Dütt Gedicht steiht an’n Anfang vun dat niege Fehrs-Leesbook, wat jüst in den Quickborn Verlag rutkamen is. Dat steiht för düsse Johrstiet un dat steiht för den Harvst vun’t Leven. Un dor hett dat lütte Book ok sienen Titel her: „En Sommerdroom“. Gedichten un Geschichten vun den Dichtersmann, de vun 1838 bet 1916 leevt hett. He gellt as een vun de Klassikers in de nedderdüütsche Literatur vun’t 19. Jahrhunnert.
Wat in dat Book binnen steiht, dat sünd man blots lütte Happens ut dat grote Wark vun Fehrs, dat ja in de 80er un 90er Johren in en sössbändige Utgaav rutkamen weer. Man dat is al lang vergrepen. Un so hett Marianne Ehlers sik doran maakt, Texten uttosöken, de en Indruck vun Fehrs sien Schrievkunst levern könnt un villicht Lust un Neegier dorop maakt, mehr to lesen vun em.
Dat Besünnere an dat Book is aver de Oort un Wies, woans de Fehrsche Literatur präsenteert warrt: „Die moderierenden und erklärenden Texte sind in hochdeutscher Sprache gehalten (...). Es entspricht dem Ansatz dieses Buches, ein möglichst breites Publikum zu erreichen und damit auch die große Gruppe der Platt-Interessierten mitzunehmen.“ Hofft wi mal, dat dat gelingen deit!
Un so gifft dat na de Fehr’schen Texten ok en Deel mit Informatschonen över dat Leven vun den Dichter, över de Bedüden vun siene Literatur in School un Wetenschop, en fiktivet Radiointerview mit em un en Stadtrundgang dörch Itzhoe to all de Fehrs-Steden in düsse Stadt. Ja, un en lütt Stremel över den Vereen Fehrs-Gill, de den Namen na den Dichtersmann kregen hett, de gifft dat natürlich ok.
Johann Hinrich Fehrs
„En Sommerdroom“
Rutgeven vun de Fehrsgill
2021 in’n Quickborn Verlag, Hamburg, ünner „Literatur der Fehrs-Gilde“
ISBN 978-3-87651-482-6.
Dat Book hett 128 Sieden – kosten deit dat 12,80 EUR;
de Maten vun de Fehrs-Gill hebbt dat as Johrsgaav kregen.
En erste Präsentatschon bi de Plattdüütschen Daag för Stormarn in Trittau, de is goot ankamen.
Un nu gifft dat en twete Gelegenheit, dat Book kennentolehrn:
Datum: 10. November 2021, Uhrzeit: 18 Uhr
Anmeldung erforderlich (s.u.)
Ort: Lichtwarksaal, Neanderstraße 22, 20459 Hamburg
Es lesen Marianne Ehlers und Volker Holm vom Vorstand der Fehrs-Gilde e.V. Die Fehrs-Gilde stellt ihre Jahresgabe 2021 vor – ein Buch mit Prosatexten und Lyrik von Johann Hinrich Fehrs, ergänzt mit ausführlichen Informationen zu Leben und Werk des holsteinischen Dichters. Bis heute gehört er zusammen mit seinem Zeitgenossen Klaus Groth zu den großen niederdeutschen Literaten Schleswig-Holsteins. Das Buch ist in der neuen Reihe des Quickborn-Verlages, „Literatur der Fehrs-Gilde“ erschienen.
Weitere Infos und Anmeldung: https://www.carltoepferstiftung.de/veranstaltungen/
(PLATTNET.de)
_____________________________________________________________________________________________________________________________
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de ist ein privates nichtkommerzielles Projekt.
PLATTNET.de Nachrichten-Archiv: alle Nachrichten unter http://archiv.plattnet.de/
PLATTNET.de bei Facebook: http://www.facebook.com/PLATTNET.de
PLATTNET.de Nachrichten können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de
Eine Weitergabe von Adressaten-Daten findet nicht statt. Gespeichert ist lediglich die für den Versand notwendige E-Mailadresse.
Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de Daraufhin wird die Adresse unverzüglich aus dem Verteiler entfernt.