PLATTNET-Nachricht – 17.12.2021
Plattmakers.de – Plattdüütsch Woort för Woort
(PM) Plattmakers.de is en plattdüütsch Wöörbook för ganz Plattdüütschland. Un noch wiet över dat rut, denn dat Wöörbook is in veer Spraken anleggt. Denn toeerst maal is Plattmakers en plattdüütsch-plattdüütsch Wöörbook. So as de Duden en düütsch-düütsch Wöörbook is. All de enkelten plattdüütschen Wöör warrt ok plattdüütsch verkloort. Un wenn maal Fragen apen blievt, denn hebbt vele Indrääg en Bild, dat dat Woort düüdlich maakt. So warrt bi de Muus gau kloor, wat för een von de dree Bedüdungen meent is.
Eerst in twete Lien is Plattmakers ok en Wöörbook, dat Översettungen von de plattdüütschen Wöör in de dree Spraken Hoochdüütsch, Nedderlandsch un Engelsch wiest. Mit över 70.000 Översettungen to mehr as 25.000 plattdüütsche Woortbedüdungen wiss een, dat sik sehn laten kann!
En annere Egenschop, de annerwegens nich to finnen is, sünd de Koorten, de wiest, wo en Woort begäng is. Wer bi dat Bispeel mit de Muus op den Link „Koort wiesen“ klickt, kriggt en Koort von Plattdüütschland wiest. In düsse Koort sünd de Regionen gröön kenntekent, in de dat Woort nawiest un bekannt is. Bi de Muus as griesen Gnabbler sünd dat 26 verschedene Dialektregionen, bi de för all düsse Regionen en Literaturbeleg mit Siedentall angeven is. So laat sik för vele Wöör licht Nawiesen finnen.
All de enkelten Wöör hebbt en egen Siet un URL, so dat Plattmakers allerbest döggt, üm wisse Wöör oder ganze Sätz to verlinken: Düsse Siet gefallt mi bannig goot! Wer in’t Internet schrifft, kann so licht „swore“ plattdüütsche Wöör verlinken un den Leser so Hülp geven.
Plattmakers hett nu en Update kregen mit ne’e Wöör un noch mehr Bispeelsätz.
_____________________________________________________________________________________________________________________________
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de ist ein privates nichtkommerzielles Projekt.
PLATTNET.de Nachrichten-Archiv: alle Nachrichten unter http://archiv.plattnet.de/
PLATTNET.de bei Facebook: http://www.facebook.com/PLATTNET.de
PLATTNET.de Nachrichten können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de
Eine Weitergabe von Adressaten-Daten findet nicht statt. Gespeichert ist lediglich die für den Versand notwendige E-Mailadresse.
Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de Daraufhin wird die Adresse unverzüglich aus dem Verteiler entfernt.