23.02.2022 - (22020) Wahl vun den Plattdüütschen Raat för Sleswig-Holsteen
Dateianhänge: (415.1 kB)
(0.5 MB)

0-plattnet-logo.gif                                PLATTNET-Nachricht – 23.02.2022

 

         Pd-Rat-SH-h4.jpg               Heimatbund-h4.5.jpg

 

Wahl vun den Plattdüütschen Raat för Sleswig-Holsteen

 

Am 30. April wird der neue Plattdeutsche Rat für Schleswig-Holstein gewählt. Alle Menschen mit Wohnsitz im nördlichsten Bundesland sind zur Stimmabgabe bei der Wahlveranstaltung im Hohen Arsenal in Rendsburg berechtigt. Es besteht auch die Möglichkeit, selbst zu kandidieren.

 

Wahl vun den Plattdüütschen Raat för Sleswig-Holsteen

för de 8. Wahlperiood (2022-2026)

an’n 30. April 2022 Klock 2 in’t Hoge Arsenal, Arsenalstraat 2, Rendsborg

 

De Plattdüütsche Raat laadt all Lüüd in’t Land, de sik för de Spraak intresseren doot, hartlich to düsse Wahlveranstalten in. Anmellen per Mail bi de Sprekersch Marianne Ehlers, m.ehlers@heimatbund.de oder per Telefon bi den SHHB ünner 0431-98 384-0 bet to den 20. April 2022. Ok per Post kann een sik anmellen. Jeedeen, de in Sleswig-Holsteen tohuus is, kann bi de Wahl sien Stimmen afgeven.

Siet dat Johr 2000 gifft dat in Sleswig-Holsteen den Plattdüütschen Raat. He snackt för de nedderdüütsche Sprekergrupp in uns Land. De Raat sett sik in för: Plattdüütsch in Familien – för de Lütten – in School un Uni – in de Pleeg – in de Medien – in de Kark – in de Verwalten etc.

Na 22 Johr sprakenpolitsche Arbeit in Sleswig-Holsteen treckt de Plattdüütsche Raat en positive Bilanz. Veel is op den Weg bröcht worrn för de Spraak in uns Land, jümmers Hand in Hand mit de Politik un dat Nettwark Plattdüütsch, dat goot opstellt is. Dat schall wieder gahn mit de Arbeit för de Spraak, in de velen Gremien, de Institutschonen, Verenen un Verbännen un in den Landdag.

Un dorüm söcht de Raat för de 8. Wahlperiood (2022-2026) söven niege Kandidatinnen un Kandidaten, de sik för düsse Arbeit intresseren doot.

Mehr to weten över den Plattdüütschen Raat gifft dat ünner: https://www.heimatbund.de/plattdeutscher-rat.html.

Jeedeen hett de Schangs, sik as Kandidaat oder Kandidatin för den Plattdüütschen Raat opstellen to laten. Wichtig is, dat he/se de plattdüütsche Spraak snacken kann un in Sleswig-Holsteen wahnen deit.

 

Anlaag: Inladen un Bewarven (PDF)

 

(www.heimatbund.de )

_____________________________________________________________________________________________________________________________

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   ist ein privates nichtkommerzielles Projekt.

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de   bei Facebook: http://www.facebook.com/PLATTNET.de

PLATTNET.de   Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe von Adressaten-Daten findet nicht statt. Gespeichert ist lediglich die für den Versand notwendige E-Mailadresse.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de  Daraufhin wird die Adresse unverzüglich aus dem Verteiler entfernt.