06.12.2022 - (22117) "Wi snackt Plattdüütsch" - Schilder

0-plattnet-logo.gif                                                      PLATTNET-Nachricht – 06.12.2022

               

                Wi-snackt-Platt-Schiller Kopie.jpg            Logo BfN - Farbe-h2.jpg

„Wi snackt Plattdüütsch“-

Mit Schiller wiesen: Plattdüütsch? Geern ok mit uns! – Föhl di as tohuus.

 

(PM) In vele Rebeden vun Plattdüütschland gifft dat noch Steden, wo een ok in de Apentlichkeit Plattdüütsch bruukt. Dat mag ween, dat dat bi en Bäcker, in en Laden, in de Verwalten, op Amt, bi en Dokter oder annerwegens is. Wenn Plattsnackers:chen na so en Oort kaamt, weet se gor nich, dat een de Spraak dor ok snacken kann. För düssen Fall gifft dat nu ne'e Schiller, de wiesen schöölt: Hier kann een Platt! So rückt een de Spraak wedder mehr in den Vörgrund un de Lüüd warrt anröögt ehr ok to snacken. Dat eerste Schild hangt al, as op dat Bild baven to sehn is, an'n Ingang vun de Nedderdüütsche Bibliothek vun de Carl-Toepfer-Stiftung in Hamborg.

 

Op de Schiller finnt sik eenmal en Koort vun Plattdüütschland un heel kott verkloort, dat Nedderdüütsch en egen un offitschelle Spraak vun'n Norrn is. De Lüüd warrt direktmang anspraken un motiveert, Platt as Normalspraak in'n Alldag to bringen. Düsse Schiller weegt nich veel un hoolt ok mit normale Kleevstriepens an Finsters, Wänn un Dören. Dat gifft twee Verschonen: De een is för dat Rebeet, wo een gröttendeels „snacken“ seggt, man anner Formen as“"praten“ un „küern“ finnt een dor ok op. Dat anner Schild is för Rebeden, de nich „snacken“ bruukt, dor finnt sik avers ok all Spreekwiesen op, üm de Lüüd direkt antospreken. De Schiller sünd so groot as en DIN 4 Blatt.

 

NiederDeutsch_Schild_1.jpg        NiederDeutsch_Schild_2.jpg

Version 1                                                           Version 2

Een kann de Schiller köstenlos bestellen. Eenfack en E-Mail an info@niederdeutschsekretariat.de  schicken un seggen, wat för en Schild een hebben will. Dor köönt ok mehr Schiller ordert un an anner Steden wiedergeven warrn.

 

(https://www.niederdeutschsekretariat.de/wi-snackt-platt-schiller/).

 

_____________________________________________________________________________________________________________________________

 

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   ist ein privates nichtkommerzielles Projekt.

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de   bei Facebook: http://www.facebook.com/PLATTNET.de

PLATTNET.de   Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe von Adressaten-Daten findet nicht statt. Gespeichert ist lediglich die für den Versand notwendige E-Mailadresse.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de  Daraufhin wird die Adresse unverzüglich aus dem Verteiler entfernt.