PLATTNET-Nachricht – 16.92.2023
Plattdüütsch schrieven!
En Seminor vun den Sleswig-Holsteenschen Heimatbund
Platt! Snacken geiht. Man Schrieven? Hier is dat Seminor för plattdüütsche Journalisten, Autoren un all Minschen as ik un du, de nich Analphabeten blieven wüllt in de egen Spraak.
Mit goden Grund hebbt veel Spraken op de Welt en faste Orthographie: Een kann de Wöör alltiet wedderkennen. Dat Lesen fallt lichter. Un ok de Autor sülvst mutt nich bi elkeen Woort nie överleggen, woans he den Klang vun sien Spraak mit Bookstaven infangt: He weet, dat Schrift wat anners is as spraken Spraak un richt sien Schrieven na Prinzipien, de sik jümmers liek blievt.
De SASS-Schrievregeln för dat Plattdüütsche gifft dat al siet vele Johren. Se sünd wiederentwickelt worrn, un jümmers mehr Schrieverslüüd bruukt ehr nu. Kinner lehrt düsse Schrievwies op de plattdüütschen Modellscholen in´t Land. Un ok de Sleswig-Holsteensche Heimatbund steiht achter düsse Regeln. Se sünd licht to verstahn un antowennen. Un siet verleden Johr gifft dat den NIEGEN SASS nu ok online. He büdd gode Funkschonen. Ok de warrt wi uns bekieken. Christiane Ehlers vun`t Nedderdüütschskretariat un Jan Graf vun`n Heimatbund stellt de wichtigsten Grundlagen vör un öövt mit de Deelnehmers. Dorbi warrn se ok kreative Saken schrieven un besnacken.
Heimatbund-Seminor: Plattdüütsch schrieven!
04.03.2023, Kl. 10.00 – 16.00
DEULA Schleswig-Holstein GmbH
Bildungszentrum
Grüner Kamp 13
24768 Rendsburg
Anmellen bi j.graf@heimatbund.de
Allens wat een weten mutt dorför, steiht in de PDF-Anlaag!
_____________________________________________________________________________________________________________________________
PLATTNET.de Nachrichten Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de
PLATTNET.de ist ein privates nichtkommerzielles Projekt.
PLATTNET.de Nachrichten-Archiv: alle Nachrichten unter http://archiv.plattnet.de/
PLATTNET.de bei Facebook: http://www.facebook.com/PLATTNET.de
PLATTNET.de Nachrichten können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de
Eine Weitergabe von Adressaten-Daten findet nicht statt. Gespeichert ist lediglich die für den Versand notwendige E-Mailadresse.
Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de Daraufhin wird die Adresse unverzüglich aus dem Verteiler entfernt.