PLATTNET-Nachricht – 09.09.2025

Plattnet-Bökertipp

Spazeern dör den Goorn – mit plattdüütsche Footsporen

„Mien Sommergoorn“ vun Heidrun Schlieker

(PM) Heidrun Schlieker hett wat ganz Besünners daan: Se hett ehr Skizzenböker för uns utpackt un föhrt uns in ehr Biller dwars dör den Sommer, rund dör ehrn Goorn, wat an sik al en Genuss is – man korte plattdüütsche Texten (un poor längere) liegt hier un dor twüschen de Blomen un Büsch blangen uns Footstappen, un en utföhrlich Naamsverteken is ok dorbi. Dat allens nich as düre Hoochglanz-Bildband, sünnern as eenfach DIN A4-Spiraalbook. Wohrschuug: Dat Lengen na den Sommer kann den Leser dat Hart terrieten!

„Süh an dat Schuckeln un Küseln, Lüchten, Blinkern un Glimmern vun dat Leven ahn Enn in mien Sommergoorn. Dat is jümmer as en wiede See vun Farvendanz, Schaddenspelen un Bewegen. Doröver treckt de zoorte Aten vun warme Sommerluft, un all de „Mitspelers“ – Planten, Blööm, Twiegen un Bläder – nickkoppt tohoop as Schauspelers op en Bühn an Enn vun en goot glückt Theaterstück. Dat leevt wieder in en stüttigen Wannel, jeedeen Dag nie, jeedeen Stünn anners. Gau fastholen, malen, malen, malen…“  

Heidrun Schlieker: Mien Sommergoorn
ISBN 978-3-9826815-9-7
100 Sieden, Pries: 22,50 Euro

To bestelln hier:
https://verlag.marless.de/sommergoorn.html
orr bi verlag@marless.de

_____________________________________________________________________________________________________________________________

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   ist ein privates nichtkommerzielles Projekt.

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de   bei Facebook: http://www.facebook.com/PLATTNET.de

PLATTNET.de   Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe von Adressaten-Daten findet nicht statt. Gespeichert ist lediglich die für den Versand notwendige E-Mailadresse.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de  Daraufhin wird die Adresse unverzüglich aus dem Verteiler entfernt.