PLATTNET-Nachricht – 04.01.2026

PLATTform –

de Oort för Nedderdüütsch in'n SHHB

(SHHB) Vun nu af an stellt de Sleswig-Holsteensche Heimatbund (SHHB) op de PLATTform Nees ut dat hele Land un de Welt op Nedderdüütsch praat. Dat Projekt warrt vun de Medienanstalt Hamborg/Sleswig-Holsteen föddert un hett dat Maal, dat Nedderdüütsche in de Medien wieder to stärken. Karn vun de PLATTform warrt en neet Radioformat, wat Mandag bet Sünnavend en halve Stünn över den Apen Kanal Sleswig-Holsteen sennt warrt.

In de Radiosennen warrt aktuelle Narichten un journalistische Bidrääg op Plattdüütsch profeschonell torechtmaakt un för all Lüüd togänglich maakt. De Bidrääg to relevante Themen ut dat Schehn up de Welt un in de Region schüllt sünnerlich ok junge Minschen anspreken.

„Dat Maal un de wichtige Opdrag vun de Medienplattform is wiederhen ok de Utbo vun de nedderdüütsche Spraak un de Ümsetten vun unsen Sprakenplaan“, seggt SHHB-Geschäftsbaas Benjamin Abel.

Ok vun de Siet ut de Politik warrt de nie’e Medienplattform begrööt: „Mit dat Anbott kümmt en aktuelle Bühn för Plattdüütsch in de Medien. [...] Höörbor, sichtbor un tokumstricht", freut sik Johannes Callsen, de Beopdraagte för Minnerheiten vun den Ministerpräsidenten, över dat nie’e Projekt vun den SHHB.

Los geiht dat in't Radio an'n 5. Januor 2026. Bliev neeschierig op Geschichten, Stimmen un Bidrääg. Infos ünner:

https://www.heimatbund.de/plattform/plattform-de-oort-foer-nedderdueuetsch-inn-shhb.html

Dat Projekt "PLATTform" warrt vun de Medienanstalt Hamborg/Sleswig-Holsteen (MA HSH) mit Geller vun dat Land Sleswig-Holsteen föddert. Kooperatschoonspartner sünd de Apen Kanal Sleswig-Holsteen (OKSH) un de Norddüütsche Rundfunk (NDR).

_____________________________________________________________________________________________________________________________

PLATTNET.de   Nachrichten  Volker Holm, Buchenweg 35, D-22926 Ahrensburg, Tel. 49-4102-4739108 - http://nachrichten.plattnet.de

PLATTNET.de   ist ein privates nichtkommerzielles Projekt.

PLATTNET.de   Nachrichten-Archiv: alle Nachrichten unter http://archiv.plattnet.de/

PLATTNET.de   bei Facebook: http://www.facebook.com/PLATTNET.de

PLATTNET.de   Nachrichten  können unter folgenden Bedingungen verwendet und weiterverbreitet werden: http://creativecommons.org/licenses/by/2.5/deed.de

Eine Weitergabe von Adressaten-Daten findet nicht statt. Gespeichert ist lediglich die für den Versand notwendige E-Mailadresse.

Wer in Zukunft keine E-Mail-Informationen von PLATTNET haben möchte, den bitten wir, uns das in einer kurzen Nachricht mitzuteilen: nieges@plattnet.de  Daraufhin wird die Adresse unverzüglich aus dem Verteiler entfernt.